Winter time winds blow cold to season
Fallin' in love I'm hopin' to be
Wind is so cold, is that the reason
Keeping you warm, your hands touching me

Come with me dance my dear
Winter's so cold this year
You are so warm
My winter time love to be

Winter time winds blue and freezin'
Comin from Northernly storms in the sea
Love has been lost is that the reason
Tryin desperately to be free

My god! það er komið að því. Skólinn er búinn, í bili allavega, thank god! Ég var á barmi þess að fá taugaáfall, maður er kominn með soldið skólaógeð sko núna tekur við sumarvinna.. je beibí! Viva La Búrfell. Þar sem vinnan snýst mest um að planta og matarhlé er sannkölluð guðsgjöf hehe..

Mér gekk svona skítsæmilega í prófunum, fékk hátt í öllu nema einu, sögu hehe.. enda hefur saga ekki beint verið mitt sterkasta fag, en það má þó alltaf taka sig á  er líka búin með Ökuskóla 1 og 2.. my god var það leiðinlegast í heimi!!!! fólk þarf svo að passa sig í sumar, því ég fer að taka ökutíma úbsadeisí.. svo eftir prófin fór ég beint í það að passa litla frænda minn í Hveragerði! Þar var ég  í svona 2 vikur, nema núna er ég bara heima og það eru bara fáeinir dagar þangað til Búrfell byrjar þá tekur alvaran við! hehe.. riiiiight!

Svo verður djammið ekki langt frá það verða pottþétt margar útileigur og svona almennt sumardjamm svo er spurning að fara til Spánar með henni Guðbjörgu minni svoooo er í umræðunni að kannski skreppa til DK með Ásrúnu.. hehe.. en það er þó bara enn pæling! og að sjálfsögðu verður sko mjög mjög oft farið í gljúfrið það verður svo innilega gaman!!

aaaaaaaallavega... ég ælta bara að hafa þetta stutt!

allir koma í dalinn á morgun

Kl 8 um morguninn vaknaði ég eldhress eftir 4 klukkutíma svefn. Ég lét mig þó hafa það og settist út í bíl. Hann var ískaldur og enginn asnaðist til að koma og drullast af stað þannig að ég beið í heilar 10 min eftir restinni af fólkinu. Loks þegar við lögðum af stað
var ekki stoppað fyrr en í Borgarfirði. Þar var stokkið í sjoppu til að kaupa 5 langlokur ásamt kóki til að skola niður með. Eftir þessar 5 min sem tók að versla vildi Nonni halda áfram, við áttum náttúrulega eftir að keyra í 5-6 klukkustundir í viðbót, þannig why not?
Við keyrðum áfram og sáum heilan helling af fjöllum. Það var nánast það eina sem við sáum, en þetta eru þó algjörar náttúruperlur. Mjög fallegt. Svo eftir 8 klukkustunda keyrslu var komið á pleisið sjálft, Ísafjörð! Þetta er afskaplega undarleg en þó skemmtileg staðsetning á bæjarfélagi. Fjöll allt um kring og sjórinn svo þar við hlið. Næst var farið heim til Önnu og hvílt sig eftir strembinn dag.

Næsti dagur rann upp og ég ekki með bros á vör. Ég hef sjaldan verið jafn morgunfúl og ég var í morgun! Byrjaði á því að Nonni kom inní herbergið mitt með kaffibolla, voða kammó og fór að spjalla við mig. Mín fyrstu viðbrögð voru að sjálfsögðu að
öskra á þetta gimp og segja honum að drulla sér út. Hann gerði það og ég fékk frið í svona 5 min. Því næst á eftir mínum elskulega bróður kom móðir mín hress og kát,
sagði að það væri of dimmt hérna og dró frá gluggatjöldin. En ha ha! Ég náði að nota hugann minn og ég lagði mína sæng yfir höfuð mitt og hélt áfram að heimsækja draumaheim! Það endist ekki lengi. Pabbi kom inn og náði einhvernveginn að koma mér á fætur. Ekki man ég hvernig. Ætli hann hafi ekki bara boðið mér upp á mat. Það lokkar mig alltaf Ég náði þó að hressast aðeins eftir góða skál af morgunkorni. Svo var ferðinni heitið til Bolungarvíkur! Vá skítapleis! haha, djók. Þetta er svo sem ágætt!

Við fjölskylan erum bara búin að vera á rúntinum að skoða vestfirðina í allan dag. Sá meðal annars Mugison á rúntinum, það var pínu skondið Svo á eftir fer ég á "Aldrei fór ég suður" geggjuð rokkhátíð þar sem ég mun hlusta á tónlistarsnillinga á borð við Pétur Ben svo dæmi sé nefnt.
En meiri upplýsingar eru á www.aldrei.is (bara svona til að monta mig)

Ég er farin að fá mér í gogginn. Vildi bara láta vita af mér!

Ég veit ekki hvað hefur komið yfir mig, en ég finn fyrir einhverri þörf fyrir að blogga. Kannski er það að ég hef ekki gert það í rúman mánuð eða tvo. Það er nú svo sem aukaatriði.

Engu að síður, smá innskot í líf mitt..

Á fimmtudaginn gerði ég þá gjörsamlegu skyndiákvörðun að skella mér á skyndihjálpanámskeið. Þetta var gert með klukkutíma fyrirvara þó flestir höfðu skráð sig vikum áður en námskeiðið byrjaði. Allavega, þá varð ég eftir á Selfossi og skellti mér á þetta námskeið. Frá 4-7 var farið í “áströlsku stellinguna”, læknisleik og lært endurlífgun. Ég er ekki frá því að ef ég lendi í því að manneskja þarf svona hjálp á að halda þá geri ég eitthvað illt verra og drepi greyið manneskjuna.

Svo á föstudeginum var skóli. Það sem ég hata við föstudaga er að ég er í skólanum í fyrsta og síðasta tíma, sem þýðir að ég er í tvöföldu gati plús matarhléi á milli tímanna hjá mér! Aðeins meira böggandi. Ég myndi frekar vilja vera búin fyrr eða byrja seinna og hafa þá þessa tvo tíma með engu gati á milli. En ég var þó búin snemma í stærðfræðinni og við Harpa skelltum okkur út í bakarí og töluðum og töluðum og töluðum very nice=P

Svo byrjaði náttúrlega þetta yndislega skyndihjálpanámskeið en það var nú búið eitthvað fyrr en áætlað var, sem betur fer. Þá skutlaði Rúnar mér til Ásrúnar, þurftum reynar að snúa við þar sem ég gleymdi miðanum mínum í skólanum. Alveg tíbísk ég.

 Eftir það fórum ég og Ásrún til Andreu að finna okkur til fyrir ballið. Seinna bættust við Harpa Dögg og Ester í hópinn. Mjög gaman þar. Næst eftir nokkur “drullum okkur bara af stað” þá gengum við útí skóla til að ná rútunni á ballið. Í rútunni var óttarlegt fjör, sungið og sungið þangað til við komum á Borg í Grímsnesi.

Á balli var alveg ótrúlega gaman, eitt það besta hingað til Ég skiptist á að vera dansandi, spjallandi við Hörpu ásamt því að taka nokkra rúnta að til að taka myndir, en það urðu alltaf einhverjar hindranir á þeim rúntum, svo sem “BESTI” vinur okkar Hörpu!!! Svo lauk ballinu, vel heppnað og alveg ótrúlega gaman

Eftir ball var farið í Pulló og þar var bílaröðin lengra en að hótelinu! Vá ég hef aldrei séð röðina svona langa. Svo að sjálfsögðu var anderið troðið af fólki. Ég náði svo að redda okkur, Ásrúnu og Andreu heim og strákurinn sem keyrði okkur kom ekki að labba með mér daginn eftir eins og hann lofaði!! Pff, svikari haha

En ég er svo ótrúlega gáfuð að hafa farið til Ásrúnar að gista þar þegar ALLT dótið mitt var heima hjá Andreu.

            Eftir 4 klukkutíma svefn labbaði ég langa leið frá heimi Ásrúnar og út í skóla. Ég hata að vera ekki með bílpróf!! Sem betur fer var námskeiðið ekki eins langt og áætlað var og við fengum að fara eftir 4 klukkutíma. Ahh, mjög gott!

Ég nenni samt ekki að skrifa neitt lengur.. En hver veit nema að ég fari að blogga reglulega aftur

Ég er virkilega hrædd núna! Það heyrist brak uppi, ég er ein vakandi og að kúka í buxurnar af hræðslu!! Það er líka sprungin peran í herberginu og það er kolsvartamyrkur úti og hér inni fyrir utan það litla ljós sem tölvan gefur mér. Til að bæta við þetta allt þá sagði Guðbjörg mér að djöflarnir fari á kreik um 3 leitið. Þetta er ekki hughreystandi fyrir mig sem er mjög líklegast trúgjarnasta manneskja í heimi. Svo nefnd sé dæmi þá trúði ég því einu sinni að Kjartan handmjólkaði 150 beljur á dag. Þetta er reyndar ekki í fyrsta skipti sem svona ranghugsanir hjá mér komi um að einhver vera sé komin til að drepa mig. Einu sinni þegar ég svaf vært í litla rúminu mínu heyrði ég eitthvað þursk niðri. Ég ákvað að fara fram og gá hvað væri á seiði. Þá heyrði ég einhvern vera á hlaupahjólinu (það er æfingartæki) og það má ekki gleyma því að þetta er um miðja nótt þannig hver í fjandanum ætti að vera að brenna kaloríur á þessum tíma dags. Kannski einhver feitur morðingi sem hefur áhyggjur af þyngdinni? Allavega þá svaf ég ekkert alla nóttina og ég hélt á skærum til öryggis ef morðinginn kæmi upp að drepa mig. Jebb, svefnleysi og ég fer ekki vel saman. Það kemur eitthvað “kúkú” útúr því.

Ok þetta brak hættir ekki. Ég er farin að finna Biblíu, vígt vatn, kross, kannski hvítlauk og það má alls ekki gleyma gömlu góðu skærunum

Þá er maður búinn að taka prófið í stærðfræðinni og djöfull var þetta létt próf, mér gekk bara helvíti vel sko núna er það bara danskan eftir. Ég efasta stórlega að hún muni vera jafn auðveld og öll hin prófin sem ég hef lokið við Allavega eftir prófið þá voru u.þ.b. 5 klukkutímar þangað til rútan kæmi obbosí! En sem betur fer fengum ég, Aron og Erna far með mömmu hans Árna Jóns. Við skunduðum bara heim til Arons. Upprunalega planið var að baka piparkökur en það féll misvel í kramið. Heima hjá Aroni svaf Árni vært, við vöktum hann og fórum öll að hlunkast um. Við hlupum m.a. (ég og Árni bóksaflega) útí kertasmiðju og eftir það lágum við öll í stórri hrúgu í hornsófanum hjá Aroni. Voða kósí!

Allavega þá kom gjörsamlega yndislegt gullkorn frá honum Aroni og ég vil svo sannarlega deila því með yður

Aron að lesa uppúr bókinni “Forðist okkur”..

Aron: HAHA! “Úbs, ég kúkaði víst í vaskinn” hahahaha vá fyndið

Ég: hahaha, jáá vá hvað þessi gaur er sick! (talandi um rithöfundinn Hugleik)

Aron: Ha, nei nei! Ef maður er nógu fullur þá er alveg auðveldlega hægt að kúka í vaskinn! (hahaha, talar augljóslega af reynslu)

Jæja, ætli maður þurfi ekki að fara að læra í þessari helvítis dönsku.. :/ efast nú stórlega að ég geri það samt

Úff, prófin komin af stað. Ekki gaman. Í dag fór ég í Íþr101 og mér gekk bara helvíti vel í því, ætli það borgi sig ekki að lesa undir prófið Svo var skroppið útí Bakarí með Bakarí-buddíunum (Aron, Harpa og Erna) og fengið sér aðsjálfsögðu kjúklinga baguett (hvernig sem það er skrifað) jammí! Ég verð samt að hætta því, maður er bara orðinn fátækur námsmaður og alles Allavega, eftir matarhlé var komið að því að taka stafsetningarpróf. Ég skundaði upp í stofu 204, ekki gaman og ég hef góðar ástæður fyrir því!! En mér gekk svona ágætlega í þessu prófi, ég vona bara svo ótrúlega mikið að ég þufi ekki að taka stafsetningaráfanga, sem er einingarlaus btw svo eftir prófið vorum við Harpa, Erna, Tommi, Hanna og Aron að spjalla e-ð. Maður þurfti náttúrulega að bíða í u.þ.b. klukkutíma eftir rútunni! Djöfull er böggandi að vera ekki með bílpróf! Svo þegar ég kom heim þá sofnaði ég. Kemur á óvart!! Ég held ég hafi borðað slæma rækju áðan. Mér lýður hálf funkí. Hahaha

Allavega, ég þarf eiginlega að fara og sofa! Maður verður að vera vel vakandi fyrir stærðfræðina á morgun Svo er maður bara komin í jólafrí á fimmtudaginn! Get ekki beðið

Vá! Gæti ég verið aðeins ólíkari fjölskyldunni minni?? Ég er eina ljóshærða þarna og hef alltaf verið það! Ég er farin að íhuga það stranglega hvort ég sé ekki virkilega ættleidd haha

Að sjá þetta!!!! Ég er ekkert lík þeim!

Afsaka lélegt blogg

Tími til kominn á annað blogg?

Svo sannarlega! Síðasta fimmtudag fórum við allir hóparnir úr LKN 106 í menningarferð til Reykjavíkur. Eftir stutta rútuferð byrjaði hópurinn minn á að fara í kaffi. Ég var ekker sérlega spennt yfir því að byrja á kaffinu en ég lét mig þó hafa það! Ég fór ásamt Rakel, Álfhildi og Hönnu í örvæntingafullri leit af einhverju kaffihúsi. Við löbbuðum rösklega í þessum nýstandi kulda og vorum gjösamlega villtar! Nú skil ég virkilega þetta “Lost in Iceland” dæmi sem ég sé nánast á hverjum einasta túristastað eins og Bláa Lóninu eða Geysir hótelinu. Á endanum sá Rakel Subway og öskraði af gleði og hljóp eins og brjálæðingur í áttina að því. Þar sátumst við niður í hlýjuna og biðum eftir að geta farið og labbað út í Þjóðminjasafnið, smeykar reyndar, þar sem engin af okkur vissi hvar það væri né hvernig ætti að komast þangað. En sem betur fer komu nokkrir úr hópnum okkar einnig á Subway og þau vissu allveg hvert ætti að fara. Eftir mjög svo kalda göngu vorum við komin á Þjóðminjasafnið. Það blasti við okkur þetta risa stórvirki, bjart og með afar háu lofti. Ég hef nú reyndar samt farið þangað áður, nokkrum sinnum líklegast. Man bara voða lítið eftir því nema bara þegar við fórum þarna í menningarferð í 10unda bekk. Allavega þá þurftum við að dunda okkur þarna í svona 40 min. Svo var farið aftur í þennan viðbjóðslega kulda og labbað að Alþingishúsinu. Fórum við svona í nokkra hringi í kringum það því eitthvað fólk var alltaf að segja okkur að fara hinu meginn, svo þegar við vorum komin þangað þá var sagt okkur að fara aftur hinu meginn and so on and so on.... Svo þegar við fengum loksinns að komast inn þá var enginn önnur en Hildur Gróa frænka mín að taka á móti okkur þarna og segja okkur sitt og hvað um Alþingi. Eftir það var aftur farið út í kuldann og í þetta skipti var farið í Listasafn Reykjavíkur. Mikið svakalega er mikið af svona “modern art” þar. Það fyrsta sem ég sá þegar ég gekk þarna inn voru endalaust mikið af hausum af Tom Cruise. Spes. Svo loks eftir langan dag fengum við að fara í Kringluna. Þar hitti ég MH-ingana Sunnu og Dóru ég og Sunna fengum okkur dýrindis dominos pizzu ásamt brauðstöngum og 2l kóki! Ahh loksinns, ég hafði lengi og vel beðið eftir því! Svo var bara verið að nöllast í Kringlunni með Hörpu, Dóru og Ernu þangað til kl hálf 8 því þá var tími til að sjá leikritið Viltu finna milljón? Á leikritinu sat ég á milli Hörpu og Ernu. Fyrir framan okkur var bara fyndin kona. Hahahaha! Alltaf í leikritinu þegar hún var sammála einvherju þá sagði hún alltaf: JÁ! Með miklum ákafa! Æjj vá það var svo ógeðslega fyndið. Svo var einhver strákur alltaf að dansa og klappa með henni og það var allveg óborganlega fyndið! En það fyndnasta við þetta leikrit var svo sannarlega ekki leikritið sjálft, heldur var það þegar allgjör þögn var og einvher einn klappaði svona “eitt klapp” svo hinu meginn í salnum klappaði einhver “eitt klapp” svo í miðjum salnum það sama og þetta var þangað til þögnin hætti! Ég og Harpa vorum á sama máli að þetta hafi bjargað leikritinu. Reyndar þá gerðist dálítið annað fyndið. Það var þegar ein kona var ótrúlega mikið að flýta sér á klósettið með æluna í kokinu og hún datt, beint fyrir framan nefið á okkur. Shitt hvað það var fyndið. Ég þurfti að hemja hláturinn þangað til greyið kæmist út! En hún bara gjörsamlega plongaðist niður eins og skata eða e-ð! Einhver kom reyndar með þá góðu kenningu að hún Harpa hafi brugðið fæti fyrir hana og látið hana detta! Svo eftir þetta langa leikrit var farið út í rútu. Ég átti þar mjög gott spjall við Hörpu og Örn. Hann var reyndar alltaf að gera grín af því að hann gæti farið beint undir sæng heim til sín og í tölvuna á meðan við þyrftum að dúsa í rútunni í klukkutíma í viðbót! HUHH! Svo þegar við vorum komin á Selfoss varð 50 manna rútan nánast tóm! Bara ég og Harpa eftir. Þá keyrði rútukallinn yfir brúina og við héldum að hann væri búin að steingleyma okkur! en þá var hann bara að skipta um rútu og fara í 20 manna rútu. Enda er það frekar kjánalegt að vera með 2 farþega í 50 manna rútu ég var svo komin í bælið rétt fyrir 1.

Föstudagurinn rann upp. Ekki á góðan hátt fyrir mér því þetta var föstudagur sem ég þurfti að mæta snemma í vegna þess að umsjón byrjaði aðeins fyrr þann dag! Pff, ekki sátt. Ég byrjaði þá að fara í gat, svo í hálftíma umsjón og þá gat aftur svo einn LKN tíma og þá gat aftur! Brilliant verð ég að segja, eða hitt og heldur (vá hef ekki sagt þetta í áratug, hahaha) gat allveg eins sleppt því að mæta í skólann!! Svo þegar ég kom heim, gjörsamlega glorsoltin því ég borðaði ekkert í hádeginu. Ég missti gjörsamlega matalistina á því að hafa fengið mér e-ð nasty skinku crossant dæmi! Allavega, þegar ég kom heim þá ákvað ég að elda mér egg. Eftir þá reynslu komst ég af því að eldamennska á svo sannarlega ekki við mig!! Í fyrsta lagi er ég steinhissa á því að reykskynjarinn hafi ekki farið í gang. Í örðu lagi sullaðist allt útum allt (hvernig fer ég að þessu?? Þetta er að steikja egg í guðanna bænum..) síðast en ekki síst, þegar ég ætlaði að láta frá mér sjóðandi heita pönnuna, þá lét ég hana á tré borð! ehe.. steingleymdi því aðsjálfsögðu, og endaði með því að skilja eftir stóran svaran blett eftir á borðinu. Úpsí!

Á laugardeginum fórum ég og Nonni að kíkja á fjölskylduna í Hveragerði, A.K.A. Biddý Sævar og Ívar Dag. Þar fengum við okkur pizzu og horfðum á Fóstbræður af mikilli kæti, enda eru Fóstbræður eitt besta sjónvarpsefni sem gert hefur verið Eftir það fórum ég og Nonni á Borat! VÁÁÁ! Þessi mynd er SNILLD! Ég hló sko allan tímann! Fokk fokk fokk! Mæli svo sannarlega með henni. Svo var Rúnar þarna með tveim vinum sínum, að fara á þetta í annað skipti. Hann sagði mér samt í hléinu að fyndnasta atriðið væri enn eftir! Og ójá það var rétt. Ég hélt að ég myndi deyja úr hlátri þegar það atriði kom þrátt fyrir að þetta hafi verið ógeðslegt atriði, of mikið af Borat fyrir minn smekk! Hahahaha! Hrein og tær snilld skal ég segja! Svo þegar við komum heim var ég bara að dunda mér við að horfa á American Dad og svo þegar ég kláraði alla þættina sem ég á fór ég að spila einhvern afar steiktan leik sem ég fann í tölvunni. Hann heitir Crush’em, og fellst út að það að berja mýs með hamri á meðan lagið “Jólasveinninn kemur í kvöld” spilar undir. Svo ef manni leiðist að berja mýs þá er hægt að fá að lemja börn klædd sem mýs, fallegt ekki satt?

Ég get sagt með að það er ekki auðveldasti hlutur í heimi að vera undarleg! Ég er lifandi sönnun á því. Það vill svo til að ég er undarleg (eins og flestir vita) og það á háu stigi. Að vera undarleg er alls ekki dans á rósum. Tökum sem dæmi þá var ég að dunda mér í nótt við að horfa á mínu uppáhalds þætti, Friends. Þetta var voða gaman og ég var voða slök. Svo allt í einu var ég komin niður í eldhús og stóð fyrir framan ísskápinn að borða gulrætur!! Ekki hef ég hugmynd hvernig eða hvenær þetta gerðist! Ég datt bara útúr heiminum kom svo aftur í hann og var þá borðandi gulrætur!

En nóg um undarleikann minn! Afmælið hjá Eika var um helgina og var það haldið í veiðihúsinu í Laxárdal! Þetta var allveg ótrúlega skemmtilegt og það munu koma myndir frá föstudeginum vonandi bara á morgun eða e-ð Allavega þá á föstudeginum fékk ég far með Loga (NÝKLIPPTA), Ernu, Kötlu, Dóru og Aroni uppí veiðihúsið! Þar var sungið, dansað, drukkið, spjallað og margt margt fleira! Svo endaði ég sofandi um 5 leitið á milli Hjördísar og Finns þar sem undarlega mikið var talað þýsku. Svo um hálf 8 leitið kom Elvar á milli míns og Hjördísar og var hann ekki lengi að taka allt plássið og henda greyjið Hjördísi úr rúminu! Því næst vaknaði ég kl 10 og þá var enginn vaknaður nema “afmælisbarnið” í örvæntingarfullri leit að kveikjara! Á laugardagskvöldinu fór ég aftur í veiðihúsið með Bibbu og Einari! Eiki var nýbúinn að fá glæsilega afmælisgjöf frá Bjarna Arnar og var það kind! Makalaust hversu hugmyndaríkar gjafirnar eru farnar að vera hjá fólki nú til dags. Kl 9 fór ég að sofa og gerði það í hálftíma þangað til e-ð gimp kom og stal sænginni minni! Vá! Ég hef sko sjaldan orðið jafn pirruð! Aftur á móti á Lilja metið að hafa vakið lengst! Hún var vakandi til kl 12!! Klárlega met!

Allavega! Þetta var helgin í mjög svo stuttu máli. Ég er bara í svo undarlegum ham að ég get ekki bloggað almennilega. Afsaka það.

Ahh, þessir undanfarnir dagar hafa verið geðveikt skemmtilegir! Og flestir vita afhverju. RÉTTIR!!!!!

Allavega, rétt væri að segja frá atburðum undanfarna daga. Þetta allt “stúss” í kringum þetta byrjaði á miðvikudeginum þar sem ég, Erna og Hjördís fórum með hestana okkar frá Stóra Núpi og uppá Hamarsheiði, og djöfull var mikið rok! Og að sjálfsögðu þurfti ég að vera ég sjálf. Og hvað gerði ég? Ég datt af baki! Hesturinn trylltist og hjóp í burtu. Þar sem ég er orðinn snillingur í því að detta af baki var ég afar fljót að standa upp, hljóp svo eftir hestinum og datt svo aftur um e-h þúfu sem var þarna fyrir mér!!! Svo þegar við vorum komnar heim var farið snemma í háttinn þar sem maður þurfti náttúrulega að vakna snemma og fara á móti safninu

Fimmtudagurinn rann svo loks upp, kannski of snemma fyrir minn smekk Og um hálf 9 leitið kom Logi ásamt Ernu Þ. og Árný Fjólu. Og ég sýndi mínar snilldar takta, hljóp í áttina að Loga og ætlaði að knúsa hann, og hvað gerði ég? DATT! Svo var keyrt uppá Hamarsheiði, beðið eftir strákunum. Svo komu Elvar, Finnur, Jóngó, Gummi, Gestur og Steini! Við lögðum svo loks af stað frá Hamarsheiði, svo þegar komið var framhjá Fossnesi, þá datt ég af baki! Var með glæsilega lendingu! Enda orðin pro! En ég var ekki sú fyrsta til að detta vil bara vekja athygli á því að hún Árný fékk þann heiður á því að verða sú fyrsta til að detta af baki!! Ekki ég

Eftir dágóða stund og nokkur “næstum því” dottið af baki hjá mér, var farið í Haga þar sem við hittum Guðna. Við stoppuðum þar í örlitla stund og lögðum svo að stað ásamt Guðna.

Næsta stopp minnir mig hafi verið uppá Gaukshöfða. Þar fengu strákarnir sér að staup og að reykja, á meðan við stúlkurnar tókum þónokkrar myndir með hattinum hans Finns svo var ferðinni haldið áfram. Svo þegar við vorum komin að safninu rákum við það niður á Ásólfsstaði. Og þar var spjallað, etið og hvílt sig. Við rákum svo safnið að Fossnesi. Og vorum við komin þangað um hálf 9 leitið! Sem þýðir að við sem komum frá Hamarsheiði (þ.e.a.s. þeir sem að þraukuðu alla þessa leið ) höfðum verið á hestbaki í u.þ.b. 10 klst!  Svo þegar ég var komin heim um 9 leitið, sofnaði ég um leið og ég datt í rúmið!

Föstudagurinn byrjaði svo eldsnemma um morguninn! En til að vera nákvæmnari þá byrjaði hann hjá mér kl 05:40! Lögðum við Stóra Núps pakkið af stað um hálf 7 leitið uppá Fossnesi. Svo var rekið niður með safninu og það var helvíti gaman. Þegar lítið var að gera tók maður nokkra spretti fram og til baka með safninu. Svo var komið að sjálfum réttunum! Þar var sko gaman. Var mikið að dissa litla frænda minn fyrir að vera svona mikill hnakki og borgarbarn!

Svo fórum ég, Eiki, Elvar, Jóngó, Jóki, Helga, Hjördís, Skarpi, Nonni, Grétar, Fjalar, Gerða og Svenni með okkar kindur heim á Stóra Núp. Það gekk bara helvíti vel og var mjög gaman. Svo fengum ég, mamma, pabbi, Elvar og Nonni okkur good old fashion kjötsúpu! Það eru ekki réttir án þess

Ég lagði mig svo, fór í sturtu og fann mig til fyrir réttarballið. Ferðinni var reyndar fyrst haldið uppá Fossnes. Valur skutlaði mér, Nonna, Eika, Skarpa, Hildi Gróu og Svenna þangað. Og vegna þess að þetta var aðeins 5 manna bíll þurfti ég að sitja hálf ofaná Eika og Svenna var skellt í skottið. Og í Fossnesi hitti maður fullt af fólki úr Búrfellspakkinu, djöfull var gaman að sjá þau einnig voru líka fullt af túristum þarna! Og þegar Nonni ætlaði að segja þeim að koma útí fjárhús og halda drykkjunni áfram þar, sagði hann einfaldlega: “Hey everybody! We shall all go to the sheephouse now! Just follow me, the pretty guy!!! EVERYBODY FOLLOW THE PRETTY GUY!” ég held að það sé óhætt fyrir mig að segja að bróðir minn sé EGÓ!!

Loksins var svo keyrt mann útí Árnes. En það var sem betur fer ekkert vesen fyrir mig að komast inn en reyndar var ég yngsta manneskjan þarna heeelvíti lengi! en þarna var dansað, sungið og það var bara gaman Svo hitti maður Jóa og Örvar. Þeir voru mjööög hressir skulum við segja það var mjög gaman að sjá þá, við spjölluðum e-h og margt hefur sko breyst frá því að við vorum í Flúðaskóla! Svo var bara haldið áfram að dansa fram eftir nótt! Geðveikt gaman Svo var ég komin heim um svona hálf 5 leitið

Svo þessa síðustu 2 daga hef ég verið að sofa! Án alls djóks!

En reyndar þá þarf ég að halda áfram að lesa Hvid Sommer! Er að fara í próf næsta dag. Svo þarf ég einnig að lesa Sölku Völku. Og ég er svo innilega ekki að nenna því!

En þetta hafa verið gjörsamlega brilliant undanfarnir dagar! ég hitti fullt af skemmtilegu fólki og þetta var bara gaman!

Ok. Ég fór að prófa að senda myndir frá símanum mínum á bloggin hjá mér. Hélt að það kostaði ekki neitt, en svo þegar ég var búin að senda nokkrar myndir þá fattaði ég að ég væri að eyða inneigninni minni. Þannig að ég hætti. Því miður, að því að það eru geðveikt skemmtilegar myndir á símanum mínum. En hér koma þó nokkrar.